mag

Txomin Rekondok jaso du Urrezko Gueridon saria

Kongresuak jangelari ematen dion Urrezko Gueridon saria aurten Txomin Rekondo (85 urte) maisuak jaso du. Txominek buru-belarri jarraitzen du lanean Donostian duen jatetxean (Rekondo); nazioarteak hala aitortuta, munduko bodega onenetako bat duen jatetxean, hain zuzen. Ardoaren tenplu hori bost bodegatan dago banatuta, eta bakoitza kategoria bati eskainita dago, bakoitzak bere argi eta tenperatura berezitasunak ditu... Espainiako, Europako eta munduko ardoak.

Pedro Subijana sukaldari eta lagunak eman dio saria Txomin Rekondori, eta hark gorazarre egin dio sarituari: "Txominek gauza asko dakizki, besteak beste, ardoaren, arrantzaren, ehizaren ezagutzaren maisua da eta, batez ere, badaki jendea nola tratatu".

Aurkezpenagatik eskertuta eta txundituta, Rekondok eskerrak eman dizkio kongresuari “sari hau merezi duten beste askoren artean ni aukeratzeagatik”, baita “honaino ekarri gaituzten lagunei eta bezeroei ere”.

Horrela, oraindik ere jarraitzen duen ibilbide bat saritu da eta sarituak adierazitakoaren arabera: "jarraitzeko kemena ematen du".

Zerikusia duten albisteak

Gastronomiaren Nazioarteko Akademiak San Sebastian Gastronomikari saria eman dio, gastronomiari buruzko munduko lehen kongresu digitala izateagatik

GEHIAGO

San Sebastian Gastronomika-Euskadi Basque Country Kursaalera itzuliko da 2021eko azaroaren 14tik 17ra

2021eko edizioak Frantziako sukaldaritzaren errealitatea berriz ezagutuko du, eta Frantziako eta Espainiako sukaldaritzen arteko elkarrizketa bat proposatuko du.

GEHIAGO

Ordubete Bittor Arginzonizekin bere txingarretan

Bittor Arginzonizek San Sebastian Gastronomikaren kamerak hartu ditu Atxondon duen Etxebarri* erretegiko eguerdiko zerbitzu batean. Euskaldunak bere parrila ezagunen trukoak erakutsi ditu, sekretuak azalduz eta ezagutza partekatuz. Ezer ezkutatzen ez duen pedagogia gastronomikoa jaso dugu ia ordubetez. Dokumentu paregabea.

GEHIAGO