Maison Ruinarteko Louise Bryden eta Caroline Fiot enologoek ardo gorria egiteko prozesua azaldu dute. Ardo mota honen kontsumoa % 28 igo da azken 15 urteetan. Adierazi dute gaur egungo Ruinart Rosé ardoak % 10 mahats beltz duela soilik. Zuriak, ehunekoan gailentzen direnak, chardonnay dira, etxearen ikurra.

Munduko lehenengo xanpain etxeak, 1729an sortu zenak, San Sebastian Gastronomika 2020 parte hartu du, bere Ruinart Rosé ardoaren zehaztasun batzuen berri emateko. Ruinart Rosé produzitzen dituzten lau ardo apardunetako bat da (gainerakoak, Ruinart Blanc de Blancs, Ruinart Brut eta Dom Ruinart dira). Ruinartek ardo bat –gorria– egiteko jarraitzen dituzten pausoak zehaztu dituzte etxe horretako Louise Bryden eta Caroline Fiot enologoek. Ardo honen kontsumoa % 28 igo da azken 15 urteetan “beraz, ez da moda kontu bat”, baina emandako datuen arabera, kontsumoa pixka bat jaitsi da 2017tik. Herrialde ekoizle nagusiak Frantzia (% 28), Estatu Batuak (% 17) eta Espainia (% 15) dira.

Testuinguruaren berri emanda, Brydenek eta Fiotek azaldu dute Ruinartek "duela urte batzuetatik" zer prozesurekin lortzen duen bere ardo gorria: blend. Urrun gelditzen dira mahats beltzaren kanpainak, XIX. mendearen erdi aldera hasi baitzen ardo gorriaren negozioa. Blend-a ardatz dutela (ardo zuriaren eta ardo beltzaren nahastea), azaldu dute mahats zuriaren ardoa beti chardonnay dela Ruinarten, “etxearen ikurra, freskura ematen baitigu“. Aldiz, beltza, pinot noir, “mahastian bertan hautatutako mahats urdinagoekin egiten da”.

Horri dagokionez, adierazi dute Ruinartek gero eta ardo beltz gutxiago erabiltzen duela ardo gorrietan. 2004an, ia % 25 ardo beltz erabiltzen zuten biak batzean; 2018an, aldiz, % 10 soilik. “Hori gertatu da, klima aldaketak eraginda mahatsak duen azukre kontzentrazioagatik; izan ere, tenperatura igo du eta uztak aurreratu ditu klima aldaketak”. Halaber, bitikulturaren sistema aldaketak ere eragina izan du, zeren 2014tik Maison Ruinartek ez du herbizidarik erabiltzen mahastietan eta horren ordez estalki begetal bat erabiltzen du, “mahatsaren azukre kontzentrazioa igotzen laguntzen duena”.

Mahastian bertan unean-unean heldutasun kontrolak egiten dituzte uztaren egun onena hautatzeko. Eta bodegan hartzidura alkoholikoa egiten dute, “altzairu herdoilgaitzezko tangetan eta 18 - 20º bitarteko tenperaturan”, eta ondorengo kortxo ateratzea “jetting” teknikaren bidez egiten dute, nahi ez duten oxigeno guztia ateratzeko. 

Enologoek ardo gorriaren koloreaz ere hitz egin dute: “itxuraz ezaugarri erlatiboa da baina oso garrantzitsua da kimikoki, ardo hori nolakoa den asko islatzen baitu”. Horregatik, Ruinarten, adierazle zehatzak jarraitzen dituzte kolorea ezartzeko: “ardo mota bakoitzerako berdina izan daiteke ala ez. Ardoaren arabera, kolorearen graduazioa aldatzen uzten dugu, edo bestela esanda, urte horretako lurraren adierazpena gehiago edo gutxiago nabaritzen uzten dugu”.