San Sebastian Gastronomika – Euskadi Basque Country, gastronomiari buruzko munduko kongresurik zaharrena, Covid 19ren krisiak eragindako egoera berrira egokitzen da eta XXII edizioa formatu berri batean egingo du. Ikusleria presentzialik gabeko hainbat hitzaldi eta jarduera egingo ditu zuzenean hiriko jatetxe mitikoetan, eta plataforma digital berriaren bidez eskainiko ditu. Barruti berri horrek hainbat areto izango ditu eta, horietan, aldi bereko jarduerak eskainiko dira, bai eta erakusketa gune digital bat ere, non enpresek beren produktuak erakutsi ahal izango dituzten eta Gastronomikara joaten direnekin harremanetan jarri ahal izango diren, gune fisiko berean baleude bezala.

Benjamin Lana ekitaldia antolatzen duen Vocentoko Gastronomiaren presidenteak azaldu duenez, “sektorea bidegurutze batean dago, eta aurrera egiteko erronka erabakigarriak ditu. Sektoreko pertsona eta enpresa bakoitzaren aurrean hainbat zalantza sortzen ari dira, baina baita bide asko ere. San Sebastián Gastronomika – Euskadi Basque Country-ren edizio honetan, irudimenarekin, baliabide teknologiko berriekin eta bestelako alternatibekin maila ematen saiatzen gara, bide horiek erakusteko, gure sukaldaritzako familia handia biltzeko eta gure indar eta ilusio guztiarekin laguntzeko”.

Itxialdi betean ginela, Gastronomika Live, sektoreari laguntzeko lehenengo batzar digitala, egin genuen: 40 saiotik gora izan genituen sektoreko mundu osoko sukaldari eta adituekin. Urrian San Sebastian Gastronomika – Euskadi Basque Country kongresu gisa itzuliko da, inoiz baino saio gehiagorekin eta berritasun askorekin. Gastronomika 2020k auditorium birtual bat erabiliko du Kursaaleko auditoriumaren ordez, eta bost egunera luzatu du iraupena; gainera, bere historian lehen aldiz, aurtengo kongresua erabat doakoa izango da.

Denbora errealean jarraitu ahal izango da munduko edozein txokotatik, eta bost joera handitan egituratuta egongo da. Joera horiek, aldi berean, munduko gastronomiaren aniztasuna ezagutzeko aukera paregabea izango dira (kongresuaren izenburua “Caminos-Bideak-Pathways” da). Gastronomika 2020k gai horietako bat garatuko du egunero, munduko sukaldari onenen eta berritzaileenen parte hartzearekin.

Andoni Luis Aduriz, Josean Alija, Hilario Arbelaitz, Karlos Arguiñano, Juan Mari Arzak, Eneko Atxa, Martín Berasategui, Pedro Subijana eta Roser Torras -kongresuko batzorde teknikoa- birtualki zain izango dituzu Donostian, urrian, urtero bezala. Aurtengoa, krisia egon arren, ez da salbuespen bat izango.

Bideak

San Sebastián Gastronomika – Euskadi Basque Country ‘20 indarra hartzen ari diren sukaldaritzako hainbat gaitatik abiatuta kontzeptualizatu da. Gai horiek, aldi berean, etorkizuneko bide posibleak eratzen dituzte: batzuk berriak dira eta beste batzuk, berriz, garai hauek kontuan hartuz berriro ere erabiltzen ari hasi direnak. Horiek guztiek bost egun osoko programa handinahia eta nazioartekoa osatzen dute, eta bakoitza gai nagusi batekin nabarmenduko da jardunaldiaren interesa zuzentzeko.

Bost bide, etorkizunari dagozkion erronkez beteriko bost bidetatik igarotzen diren bost etorkizun: “bistronomiaren” berpiztea; “sukaldaritza beltzaren” agerpena; lurraldeak Euskadin duen garrantzia; ostalaritzaran eta enpresetan dauden erronka handiak, edo Italiarekiko senidetze sozio-gastronomikoa. Bost lurralde emankor etorkizun hurbilean ibiltzeko eta lantzeko. Eman ditzagun lehen urratsak…

Bistronomia “bistromania” bilakatzen da

Gure herriko bistrot garaikideek protagonismo berri eta etorkizun handikoa hartu dute garai zail hauetan. Sukaldaritzaren munduak so egiten die, eta inoiz baino gehiago balioesten du darabilten kontzeptua: elaborazio sinple baina tentsio sentsorial handikoak, gertuko produktuekiko eta ezaugarri organoleptikoak dituzten produktuekiko grina eta haien giro gastronomikoa. Kongresuak sukaldaritzaren probintzia “berri” hori testigantzen eta ereduen bidez aztertuko du, intuizioak esaten digunaren arabera emozioz beteta egongo bidea egiteko gakoak emango baitizkigute.

“Black Cuisine Matter”

Aldatzeko garaia, jatorrietara begiratzeko garaia. “Black lives matter” mugimendua Estatu Batuak eta mundua eraldatzen ari da, eta Gastronomikak bat egiten du, interesa haren gastronomian jarriz, alegia, sukaldari —gizon eta emakume— beltzengan, arraza eta sukaldaritzako arbasoak harrotasunez erreibindikatzen dituen sozio-sukaldaritzako “new wave”an. Izan ere, New York Times egunkariak duela hilabete gutxi eman zuen haren berri, sukaldaritza estatubatuarra eraldatzen ari zelako. Olatu horrekin bat egiten dute Antilletako eta Latinoamerikako kostaldeko chef batzuek, gaur egungo “koloreko sukaldaritza” sakon aztertuko duen programazioan.

Euskadi, presente

Euskadiko lurraldea, abangoardia gastronomikoa den aldetik, belaunaldiz belaunaldi eta sormen aldetik izaera introspektiboa izanik, nola ez, Donostia Gastronomika – Euskadi Basque Country ’20ren ardatzetako bat izango da. Lurraldeko chef onenak kongresuan egongo dira eta batzuek haien sukaldeak ere lagako dituzte, bertan hitzaldiak egiteko eta kanpoko lau lagunen lau eskuentzat.

Sukaldaritza Covid-aren osteko garaian

Etorkizuneko bide gehiago. Sukaldaritza garai honetan nola eraldatu den egiaztatzeko eguna. Covid-aren krisiak sukaldaritzaren munduan eragin duen shockaz hitz egingo da, familiako negozioen orainaz, dibertsifikatzeko beharraz, eguneko menuaz edo barra gastronomikoen eta pintxo tabernen etorkizunaz.

Italiarekin senidetzea

Italia eta Espainia elkarrekin arituko dira sukaldean San Sebastian Gastronomika – Euskadi Basque Country-n. Alpeez bestaldeko herrialdeari eskainitako jardunaldi bat egongo da, Espainiarekin batera osasun krisiaren ondorioak gehien jasan dituen Europako lurraldeetako bat baita. Hori dela eta, Gastronomika 2020n Italia eta Espainiaren arteko senidetzea gertatuko da bi herrialdeetako chef onenetako batzuen eskutik, eta, gainera, elkarrekin prestatuko dituzte kongresuko bi afari ofizial.