Roberto Ruiz chef gipuzkoarrak hornitzaileek haren sukaldean duten garrantziaz hitz egingo digu. Tokiko gastronomiaren eta gastronomia tradizionalaren defendatzaile leiala da, eta beti aitortu izan dio jatetxe baten balio katean duten garrantzia. Bere sukaldaritzaren oinarriak eguneroko erosketak, hornitzaileak ezagutzea, haiekin harremanetan egotea eta ekoizleengandik ikastea dira, eta haiek egiten duten lana errespetatu eta aintzatesten du, balio erantsia emanez. 

Carrasco Ibéricos eta Exclusivas Marduren eskutik, Francisco Carrasco eta Jon Eizagirre sukaldari laguntzaile gisa arituko dira, eta Carrascoren produktu iberikoan oinarritutako errezeta tradizionalak egingo dituzte. Produktua oso ezaguna da Gipuzkoako gastronomian, ez ezkur urdaiazpiko iberiko klasikoagatik soilik, baizik eta baita luma, sekretua eta muskerra bezalako pieza iberikoengatik ere, besteak beste. Horiek izango dira gaurko protagonistak.
 
Jarduera dibertigarria eta informala izango da, eta chef eta hornitzaileek bihotza zabaldu eta beren harremanaren alderdirik atseginena erakutsiko digute.